"انت ياسيدنا كنت انجيل معاش"
+بحبك وحنانك لكل انسان كنت ذي المخلص تمام
+بصبرك وايمانك لمسنا فيك ايوب البار
+ولما وقفت ضد القضاء في حكم "عدم السماح بالزواج المره التانيه" وفي صدك لكل
بدعه شفنا حامي الايمان البابا اثناسيوس وحامل الشريعه موسي النبي
+ورفضك لتدخل الاجانب في الدفاع عن حقوقنا كاقباط كنت ذي نوح وهو بيبني فلك
الامان والناس تقوله عليه مجنون لكنه ثابت وعنده ايمان ان ده هو طريق النجاه
+وفي قصايدك وكلماتك وعباراتك اللي مليانه حب فايض من قلبك لرب المجد لمسنا
داود النبي
+وفي قوة عظاتك وثبات ايمانك شفنا بولس الرسول والقديس يوحنا ذهبي الفم
+وفي حروبك ضد العالم وضد اضطهاد ابليس لولادك شفناك ذي يشوع صارخ ليسوع
يدافع عننا
+وفي ارشادك وحكمتك اللي ابهروا العالم شفنا سليمان الحكيم
+وفي اخر عظاتك ياسيدنا شفت فيك اصرار المخلص في انه يتعصر علي الصليب
لاخر نقطه دم فيه
+وانت ياقداسة البابا ذي يوحنا الحبيب لانك حبيب المسيح يامن جاهدت الجهاد الحسن
واكملت السعي
مبروك عليك ياابويا السماء وحضن يسوع مع انك هتوحشنا اوي اوي احنا مش هننساك
ابدا ياحبيب الملايين
اذكرنا في صلاتك قدام ياحبيب المسيح ياابويا ياقداسة البابا شنوده
موضوع: مهما قولت وحكيت مش هاقدر اوصفك ياابويا 
الأحد مارس 25, 2012 5:30 pm